ಬುತ್ತಿ ರೊಟ್ಟಿ

ಹಳ್ಳಿಯ ಇನ್ನೊಂದು ಸೊಗಡು *ಬುತ್ತಿ-ರೊಟ್ಟಿ*

ಏನಿದು ಬುತ್ತಿ-ರೊಟ್ಟಿ? 

ಗ್ರಾಮಗಳಲ್ಲಿ ಈ ತರಹದ ಒಂದು ಆಚರಣೆ ಇದೆ. ನಗರದ ಜನಕ್ಕೆ ಈ ಒಂದು ಪದ್ಧತಿ/ಆಚರಣೆ ತಿಳಿದಿಲ್ಲ. ಇದರ ಮಹತ್ವ ತಿಳಿಯಲು ಗ್ರಾಮದ ಹಿರಿಯ ಜೀವಿಯೊಬ್ಬರನ್ನು ಪ್ರಶ್ನೆ ಕೇಳಿದೆ. ಅಬ್ಬಾ ಎಂಥಾ ಅರ್ಥ ಗರ್ಭಿತ ಮತ್ತು ಸುಂದರ ವ್ಯವಸ್ಥೆ ಇದು ಎಂದು ತಿಳಿದು ಬಂತು.

ಏನಿದು *ಬುತ್ತಿ-ರೊಟ್ಟಿ* ಆಚರಣೆ ?

ಗ್ರಾಮದಲ್ಲಿ , ಮನೆಗೆ ಹೆಣ್ಣು/ ಗಂಡು ಮಕ್ಕಳು ಮದುವೆ ಸಮಾರಂಭದಲ್ಲಿ, ಮಗಳು ಹೆರಿಗೆಯಾದ ಸಂತೋಷದ ವಿಚಾರ ವಿರಲಿ,  ಸೊಸೆ ಮತ್ತು ಮೊಮ್ಮಗು ಮೊದಲ ಬಾರಿಗೆ ಹೆರಿಗೆ ನಂತರ ಮನೆಗೆ ಬಂದಾಗ (ಹೆತ್ತಿಬಣ), ಯಾವುದೇ ಕಾರ್ಯಗಳನ್ನು
ಹಮ್ಮಿಕೊಂಡ ನಂತರ ಅಥವಾ ದೇವ ಕಾರ್ಯವಾದ ನಂತರ ಅಕ್ಕ ಪಕ್ಕದ 

ಗಲ್ಲಿಗಳಲ್ಲಿನ ಎಲ್ಲಾ ಮನೆಗಳಿಗೆ ಹೋಗಿ ಒಂದು *ರೊಟ್ಟಿ*, *ಒಂದು ಚಪಾತಿ*, *ಕಾಳು ಪಲ್ಯ*, *ಬದನೆಕಾಯಿ ಪಲ್ಯ*, *ಬುತ್ತಿ*, *ಕರ್ಚಿಕಾಯಿ 2*, *ಪುಡಿ ಚಟ್ನಿ* ಎಲ್ಲವನ್ನು ಪ್ರತಿ ಮನೆಗೆ ತೆರಳಿ, ಕೊಟ್ಟು ಸಂತಸ ಹಂಚಿಕೊಳ್ಳುವ ವಾಡಿಕೆ ಇದು.

ಈ ಆಚರಣೆಯ ಹಿಂದೆ ಇರುವ ಚಿಂತನೆ, *ನಮ್ಮ ಮನ ಮತ್ತು ಮನೆಯಲ್ಲಿ 

ಸಂಭ್ರಮದ ವಾತಾವರಣ ಇದೆ, ಎಲ್ಲ ನೆಂಟರು ಬಂದು ವಿಧವಿಧ ಪಕ್ವಾನ ಮಾಡಿ ತಂದಿರುವರು, ನಮ್ಮ ಸಂತಸದಲ್ಲಿ ನೀವು ಕೂಡ ಭಾಗಿ ಯಾಗಿರಿ, ಅಕ್ಕ ಪಕ್ಕದ ಜನರು ಯಾರೂ ಹಸಿವೆಯಿಂದ ಮಲುಗಬಾರದು, ಹೊಟ್ಟೆ ಕಿಚ್ಚು/ಅಸೂಯೆ/ಖಿನ್ನತೆಗಳು ಸಹ ಮೂಡದಿರಲಿ. ಹೊಟ್ಟೆ ಶಾಂತವಾದ ಮೇಲೆ ಮನಸ್ಸು ಸಹ ಶಾಂತ ಗೊಳ್ಳುತ್ತದೆ ಎಂಬ ಸಾಮಾಜಿಕ ಕಳಕಳಿ, ಅಂದರೆ ಬಡತನ ವಿರುವ ಕುಟುಂಬದ ಕಾಳಜಿಯನ್ನು ಈ ರೀತಿಯಾಗಿ ಸಮಾಜದಲ್ಲಿ ವಹಿಸಲು ಹಿರಿಯರು ಹಾಕಿ ಕೊಟ್ಟ ಮಾರ್ಗ ಎಂದರೆ ತಪ್ಪಾಗಲಾರದು.*

ಈ ಸಂಸ್ಕೃತಿ ಇನ್ನೂ ಅಧಿಕವಾಗಿ ಬೆಳೆಯಲಿ ಎಂಬುದು ನನ್ನ ಆಶಯ.ಟಿ.ವಿ.ಗಳು ಬಂದ ಮೇಲೆ ಸುಮಾರಾಗಿ ಈ ಸಂಸ್ಕಾರಗಳು ಮರೆತುಹೊಂಟಿವೆ.
ಗ್ರಾಮ ಜೀವನದ ನನ್ನ ಅನುಭವದಲ್ಲಿ ಈ ಆಚರಣೆ ಕಂಡು, ತಮ್ಮೊಂದಿಗೆ ಈ ಸುಂದರ ವ್ಯವಸ್ಥೆಯ ವಿಚಾರ ಹಂಚಿಕೊಂಡಿದ್ದೇನೆ.

ನಿಮ್ಮ ಅನಿಸಿಕೆ ತಿಳಿಸಿರಿ.

ಅಮಿತ ವಿಶ್ವನಾಥ ಕುಲಕರ್ಣಿ,
ಬ್ಲಾಗ ಸಂಖ್ಯೆ ೧೫...
೯೯೭೨೫೯೧೦೧೪